第十一集 第一百六十五回 逐香尘游春驰绮陌 骋飞车奋勇捉瘟生（3 / 5）

要问倪借，倪咦勿开啥钱庄银行，洋钿洛里会来得实梗容易？老实搭耐说仔罢，格两日拨耐格两个要帐格断命人，吵得头脑子才空格哉。楼浪向李小兰搭仔筱花丽卿，一径来浪叽哩咕噜，啥格钝仔俚笃格色头哉，咦是坍仔俚笃格台哉。格号闲话，倪轧实听勿惯。勿是倪今朝来里说耐，耐也忒嫌勿当心仔点哉，好好里洋钿放来浪橱里向，那哼就会拨俚偷得去？倪想起来，也呒拨实梗容易嘛。格个里向勿得知到底啥格讲究？“说着，便瞟了沉二宝一眼。

沉二宝被他这几句话儿正说着了他心上的心病，不由得心上突突的跳起来，知道金姐老奸巨滑，那里瞒得过他？万分无奈，只得用出看家本事来，立起身来拉住了金姐两手，竟是双膝跪下，把一个脸儿伏在金姐膝上，口中说道：“今朝格件事体，只得请妩姆再搭倪借四百洋钿格哉！妩姆真正勿肯帮倪格忙，倪也照呒说法，照式实梗样式，横竖生意也做勿成功，只好随俚笃去那哼格哉，格辰光一塌刮仔格事体，故歇也勿必说起俚，总归妩姆救仔倪格急，倪心浪也有数目来浪。”

金姐起先听了沉二宝的话儿，倒吃了一惊，暗想：万一他当真横着心肠，听凭他们怎样，索性不做生意，绰一个大大的烂污，往公堂上一跑，只说他自愿从良，那就把自己的一千几百块钱都送到水里去了，这倒不是顽的。后来又转念一想道：一个当倌人的转到这样念头，一定是山穷水尽，无可如何，方才肯走到这一条路上去，但凡有一丝一毫的法儿可想，也一定不肯这般的。像二宝这样的人，岂是肯走这条路的？想着，便故意一面拉着沉二宝的手，去拉他起来，只说：“二小姐豪燥点起来，折脱仔倪格福气格呀！”一面却又装腔作势的说，没有地方去借钱。沉二宝跪在地下那里肯起来，只说：“妩姆末赛过倪亲生娘嘛，本底子该应受倪格礼格呀。今朝妩姆勿答应，是倪一径距来里勿起来格哉！”说着不觉一阵心酸，眼泪直滚出来。