一团杀气威光，消化得干干净净，变作满面笑容，喜孜孜的在台旁坐下，便告诉秋谷道：“章大少，耐勿晓得倪格事体，倪说拨耐听仔，随便啥人也要心浪惹气格。格个刘大少，做仔倪一个多点月哉。自从俚到仔倪搭来，倪倒当俚好客人格，从来朆叫俚打啥格首饰，做啥格衣裳，碰和吃酒也随俚格便，洋钱是加二朆见歇。倒说归转仔，俚来叫倪格局，倪为仔转局过去晏仔点点，俚就此扳倪格差头，搭倪反子一泡，倪搭勿来哉，跳槽过去，另外做仔格洪笑梅，日日替俚碰和吃酒，做衣裳，打首饰。倪也勿去管俚，只当无介事，不过少做一个客人，算得好说闲说格哉。勿壳张俚勒浪外势，还要说倪格邱话，放倪格谣言，倒说俚勒浪倪搭白相仔勿到一个月，用脱仔论万洋钿哉。难末拨倪格排欠帐格店家、借债格户头听见仔，大家勿好哉，一淘到倪搭来，收帐格收帐，要债格要债，才问倪要洋钱。章大少，耐去想嗫，半节里倪陆里来啥格洋钱，勿还俚笃末倪又坍勿落台，逼得来倪急杀快。格件事体弄僵哉啘，倪想起来才是刘大少格勿好，勿放倪格谣言末，倪也勿造至于实梗样子。今朝倪实在弄勿落哉，跑到刘大少搭来，想问俚借点洋钱开销开销，等倪过仔节，收帐下来，更好还俚，也勿算敲俚格竹杠。俚耐洋钱末勿借，拿倪骂仔一泡勿算，还要动手打倪，推仔倪一交筋斗。章大少，耐想想看，世界路浪，阿有格号道理？请耐章大少替倪评评，倪是横竖呒啥念头转，今朝定规要俚拨倪一句闲话，随俚去拿倪那哼末哉。”口中说着，一面笑微微的向秋谷连丢几个眼风，又用金莲在桌子底下，勾住秋谷，那两只眼睛水汪汪的，把秋谷浑身上下钉住呆看，恨不得要立刻扑在秋谷怀中。
厚卿初时见秋谷进来坐定，刚刚开口，张书玉便是满面含春，撇去了先时凶狠形容，平添出一副温柔体态，厚卿心中暗想：秋谷果然名不虚传，怎么他才开口，张书玉便不似先前那般形状，出奇的柔顺起来？后来听张
本网站为网友提供小说上传储存空间平台，为网友提供在线阅读交流、txt下载，平台上的所有文学作品均来源于网友的上传
用户上传的文学作品均由网站程序自动分割展现，无人工干预，本站自身不编辑或修改网友上传的内容（请上传有合法版权的作品）
如发现本站有侵犯权利人版权内容的，请向本站投诉，一经核实，本站将立即删除相关作品并对上传人ID账号作封号处理